Kompakta raporto pri la agado de Esperanto-Asocio ĉe Eventoj en 2006

Hungara-versio:

Internacia nomo:	Esperanto-Asocio ĉe Eventoj en Budapeŝto
Oficiala nomo en la hungara:	Kulturális Eszperantó Szövetség, KEA
Poŝta adreso:	1675 Budapest, pk. 87.
Retpoŝto:	kea@eszperanto.hu
Juĝeja registro:	Főv. Bír. 6. Pk.63770/1 - nr. 2697/1990.09.04.

1. Organiza strukturo

• Ekde la 1-a de oktobro 2005 en la Budapeŝta Esperanto-Domo laboras 2 novaj personoj, do tiel ĉe la Asocio en 2006 laboras jam 3 plentempaj dungitoj (Szilvási László, Mihá Erika, Kollár Leila).

• Oficejo de la asocio funkcias 8 horojn en ĉiuj labortagoj ĉe la adreso: strato Leiningen, n-ro 4, HU-1193 Budapest.

• Jarĉefkunvenoj okazis en aprilo kaj la 5-an de oktobro. .

• En februaro ni registris novajn domajno-nomojn "eszperanto-szotar.hu" (Esperanta vortaro) kaj "eszperanto-konyvesbolt.hu" (signifas Esperantan librovendejon)

• En majo ni ricevis de la ĉefurbo subvencion en valoro de 200 mil forintoj (dankon al la urbo!) por kontribui al la ĝeneralaj funkciigaj kostoj de la oficejo.

• En oktobro ni komencis organizi estigon de nova fondaĵo "Balatona Regiona Esperanto-Fondaĵo", kiu fine estis aprobita kaj registrita kun publikutila jura stato en la juĝejo la 5-an de decembro. (Fondinto: "Fondaĵo Esperanto" en Budapest).

2. Eldona agado

• Kun signife ŝanĝita strukturo ni redaktis kaj enpaĝigis la antaŭlonge elĉerpitan libron "Kalocsay-Csiszár: Domfabriko", kiu nun atendas la decidon pri aperigo en pres-preta stato.

• Anstataŭ la tradiciaj paperaj eldonaĵoj ni okupiĝis pri la nova, elektronika publikigado:
  • Post plurmonata, tre detaleca laboro finpretiĝis la interreta versio de la tre fama libro "Fine mi komprenas la radion!", kiu ne nur konkurencas kun la papera eldono, sed ĝi servas ankaŭ en terminologia tereno kiel modeldona ekzemplo. La verko estas trovebla kaj legebla en la biblioteko STEB.

  • Ni prizorgis kaj aperigis la interretan version de la studo "Rátkai Árpád: Esperantaj monumentoj en Hungario", kiu listigas la hungarajn ZEO-jn kaj Esperantajn memorlokojn en Hungario. Laŭ nia scio tiu ĉi verko estas la plej ampleksa kaj plej detala inter ĉiuj aliaj naciaj studoj. Ĝi estas legebla en la paĝoj de http://w3.hdsnet.hu/eszperanto/zeo-hu/ .

  • Krom la supre menciitaj verkoj ni aperigis plurajn dekojn de libroj, artikoloj, vortaroj kaj fakaj materialoj en la scienc-teknika bibilioteko STEB. Konkretan liston de tiuj verkoj ni listigos poste en aparta paragrafo.

3. Libroservo

Ni daŭrigis la vendadon de lernolibroj, vortaroj, instruhelpiloj, beletraj- kaj fakaj libroj, aĉetitaj aŭ ricevitaj de nia Asocio aŭ de Fondaĵo Esperanto. La ĉi-jare ampleksigita kaj renovigita katalogo estas trovebla en la reto en la hungara lingvo, kaj listigas pli ol 150 divesajn titolojn.

La vendado okazas ankaŭ persone en la oficejo en la strato Leiningen, sed ĉefe per perpoŝta sendado. Nia libroservo sendas librojn nur al hungariaj adresoj. Vidu: → www.eszperanto-konyvesbolt.hu

4. Aranĝoj, renkontiĝoj

• 14-a de majo – ekskurso al monto Esperanto, elvidejo Zamenhof – en organizado de KEA. Laŭ propono kaj gvido de Molnár Lajos ni purigis la ĉirkaŭaĵon de la elvidejo, kaj forigis la tieajn herbaĉojn kaj arbustojn.

• JER - IJS! En kadro de la tradicia kunlaboro kun la Junulara E-Asocio, HEJ ni helpis kaj subtenis per teknikaj rimedoj, per organizado, per retpaĝa kaj retpoŝta reklamo la organizadon de la printempa enlanda aranĝo "Junulara Esperanto-Renkontiĝo", JER (03-05. junio, urbo Baja, ĉ. 50 partoprenantoj) kaj la ĉefan kaj konatan aranĝon Internacia Junulara Semajno, IJS (13-20. aŭgusto, urbo Makó, ĉ. 120 personoj). (foto)

• 1. julio – Vieno, Esperanto-Muzeo – En rekta kunlaboro kun la slovaka kaj aŭstra junulara organizaĵo la 1-an de julio ni organizis tre bone sukcesintan unutagan eksurson al Vieno. (Esperanto-Muzeo, nova sidejo) (foto)

• 23. julio – Partopreno en la ekskurso de Esperanto-grupo de urbo Siófok al Balatonfüred kaj valo Koloska (Esperante parolanta kelnero en la restoracio!)

• 28. julio – Gxardena bograĉ-festo post la "organiza preparkunsido de IJS" en la ĝardeno de la Budapeŝta Esperranto-Domo (strato Leiningen n-ro 4.)

• 1-5. aŭgusto – Partopreno en la aranĝo MIRO de la kroata junulara asocio en urbo Lovran.

• 26. aŭgusto – Post la fino de IJS, por ekskursantaj en Budapeŝto eksterlandaj partoprenintoj (do kaj kompreneble por hungaraj IJS-partoprenintoj) ni organizis tre sukcesan gulaŝ-feston en la ĝardeno de la Budapeŝta Esperanto-Domo - kun partopreno de ĉ. 40 personoj.

• Lingvo-parado-2006 — inter 9-11 de septembro ni partoprenis la grandan lingvan foiron Lingvo-parado (en aliaj landoj oni nomas ĝin Lingua-expo) sur la tegmenta teraso de la aĉetcentralo West-End vizititan de ĉ. 18 mil personoj. Cxeeston de la Esperanto-budo finance kovris Fondaĵo Esperanto. Dum la tri tagoj ĉe la Esperanto-stando deĵoris Mihá Erika, Kollár Leila kaj Szilvási László, apartan dankon pro la kunlaboro kaj helpo al Mészáros Istvánnak, Berényi Csilla kaj Baloghné Fodor Éva. En la preleg-salono ni havis apartan Esperanto-horon, prizorgitan de Baloghné Fodor Éva, kiu faris prezentan lecionon pri Esperanta lingvokurso. En kelkaj sekundoj - eĉ kun intervjueto - ĉeeston de Esperanto-stando prezentis ankuax la novaĵprogramo de la tutlanda televidkanalo RTL-Klub. (fotó-1, fotó-2)

• 12. oktobro: – Eksperimenta Esperanta filmo-klubo kun projekciila kino-prezento (Fonto Esperanto).

• Ekskurso al "Esperanto-fonto" – la 15-an de oktobro KEA (nia asocio) organizis ekskurson al la fonto Esperanto ĉe la vilaĝo Piliscsév. Cx. 40 partoprenantoj, kaj GPS-helpita kavernoserĉado kaj engrimpado -- (fotoraporto ĉe "kep.tar.hu")

• 28-29 oktobro – partopreno en seminario gvidita de Kováts Kati (Smidi) kaj Sylvain Lelarge en kadro de "Pedagogiaj Tagoj", organizita de Hungaria Societo de Esperantistaj Instruistoj.

• 17. novembro – Boulo-vespero - bowling - membroj de KEA (asocio Eventoj), estraro de HEJ, aktivuloj, niaj instruistoj - klubejo Acapulco, -- (foto-riporto ĉe kep.tar.hu/eszperanto/ )

• 10-12 novembro – KAEST (Kolokvo pri Aplikado de Esperanto en Sciencoj kaj Teknikoj) en Dobrzihovice, Cxehio. Partoprenis: Szilvási László, Sz. Horváth Kata, Mészáros István, Vas-Szegedi Julianna és Acsádi Veronika.

5. Reklamo, gazetaro, propagando

• Daŭrigante la praktikon de la antaŭaj jaroj, ankaŭ en 2006 aperis niaj pagitaj reklamoj en ĉiu numero de la gazeto Pesti Est, kaj en pluraj interretaj portaloj.

• Per financado de la Fondaĵo Esperanto kontraŭ 72 mil forintoj ni aperigis koloran paĝ-larĝan kadritan anoncon kun 27x117 mm-a amplekso la 18-an de majo en 2006 en la prestiĝa semajna revuo Heti Világgazdaság, HVG (Semajna Ekonomia Revuo pri monda ekonomiko). Slogeno: "Kono de Esperanto signife faciligas la ellernon de aliaj lingvoj!".

• La 11-an de januaro okazis 30 minuta studia interparolo pri Esperanto kun Szilvási László en la programero "Horo de proparolantoj" de Budapest TV (programgvidanto: Klement Zoltán)

• La 24-an de januaro Szilvási László donis intervjuon por la nacia novaĵagentejo MTI. Surbaze de gxi oni menciis Esperanton ankaŭ en la plej legata hungara taggazeto Népszabadság (vidu: http://www.nol.hu/cikk/391703/ )

• La 7-8-9-an de septembro ni partoprenis en la granda ĉiujara ekspozicio de lingvolernejoj, fremdlingvaj eldonejoj, vojaĝoficejoj kaj institucioj. En sia surloka novaĵraporto la tutlanda televido RTL-Klub prezentis la Esperantan standon, sonis eĉ unu salutfrazo en la Internacia Lingvo. -- Nekongrue kun celo de aliaj lingvolernejoj, ni iras al tiu foiro ne por rekte varbi novajn lernantojn, sed por vidigi la ekziston kaj prosperon de Esperanto (stando, programkajero, retpaĝo, TV-raportoj, ŝildo, ktp), kiu ja estus tasko de la landa tegmenta asocio, sed ĝiaj prezidantoj (ecx honoraj) ne okupiĝas pri tiaaĵoj...

• Inter 19-24 de oktobro en la ovo-festivalo en la urbo Siófok la loka Esperanto-grupo funkciigis apartan Esperanto-standon, al kiu ni pruntis la ekspozician materialon (stabloj, afiŝoj, bildoj - faritaj ĉe ni por la ĉiujara ekspozicio Lingvo-parado) kaj ni certigis ankaŭ flugfoliojn.

• Ni denove presigis nian kutiman flavan, koverte-falditan flugfolion, ĉi foje en 10 mil ekzempleroj. Tiu simpla, tamen bone aspektanta flugfolio servas por ĝenerale prezenti la lingvon Esperanto, ĝiajn avantaĝojn kaj ankaŭ la utiligeblojn. En la praktiko ĝi daŭre montriĝas tre trafa kaj sukcesa eldonaĵo. Per aldono de simpla enŝov-folio tiun reklamilon uzas ĉiuj niaj kunlaborantaj partneraj organizoj, lokaj grupoj kaj instruistoj.

• Surbaze de la intervjuo, farita kun Szilvási László, kiel prezidanto de la E-Asocio Eventoj (KEA) aperis artikolo pri la lernado de Esperanto la 6-an de oktobro en la taggazeto Napi Világgazdaság (Ĉiutaga Monda Ekonomio). Vidu: http://vg.hu/index.php?apps=cikk&cikk=144242

• La programero "Elektu a scion" de la televido M2 la 23-an de novembro faris 5 minutan elsendon pri Esperanto kun tre pozitiva tono. Intervjuon donis Mihá Erika, organiza sekretario de la Budapeŝta Esperanto-Domo kaj Szilvási László, prezidanto de Esperanto-Asocio Eventoj (KEA), kaj oni intervjuigis ankaŭ la lernantojn de la aktuala Esperanto-kurso. La TV-raportaĵo estas spekteblaj ĉe www.eszperanto.hu --> "arkivo de aktualaj novaĵoj".

6. Nia rilato al HEA (Hungara E-Asocio)

En la jaro 2005 Szilvási László kiel afergvidanto de HEA, per signifa financa, infrastuktura kaj personala subteno de nia E-Asocio Eventoj (KEA) per unujara agado savis el la bankroto Hungaran Esperanto-Asocion (prunto kaj subteno en valoro de 1,49 miliono da forintoj, respektive perlaboro de 3.400.000 Ft jara enspenzo), kaj per helpo de nia teamo denove ekfunkciigis ĝian administradon – tamen pro personaj kaj verŝajne enviaj kialoj li estis daŭre atakata. Kun la valorsistemo de estraranoj de HEA li ne sucesis trovi eĉ "minimuman komunan denominatoron", do Szilvási László decidis ne plu doni sian nomon al la tiea agado, kaj la 1-an de aprilo li abdikis pri la membreco en la estraro de HEA.

La 9-an de septembro en 2006 Hungara E-Asocio akceptis novan statuton. Krom la valorsistemo de tiu statuto por nia asocio estas tute ne akcepteblaj pluraj esencaj paragrafoj. La 5-an de oktobro dum nia jarkunveno ni decidis tiel, ke en la estonto la Esperanto-Asocio Eventoj (KEA) daŭrigos sian agadon denove plene memstare, sendepende de HEA. La decidon pri la eksiĝo ni anoncis kaj buŝe kaj skribe dum la jarkunveno de HEA la 19-an de decembro. (Aldona rimarko: en la sekva januaro eksiĝis el HEA ankaŭ la ĉ. 800-membra junulara organizaĵo "Hungara E-Junulara Asocio, HEJ).

7. Internaciaj rilatoj

• ni havas operativan laborajn rilatojn kun la CO de UEA, kun pluraj membroj de la estraro aŭ komitato de ĝi
• ni plenumas la taskon de landa reprezentanto de ISAE
• ni sekvas mesaĝojn de la retlistoj "landa-agado" kaj "UEA-komitato", kaj ĉ. 20 aliaj internaciaj listoj
• ni havas rektan, personan kontakton al E@I, al Vinilkosmo, IKEF kaj al apluraj aliaj Esperantaj fakaj organizaĵoj.

8. Niaj publikaj servoj por Esperanto-parolantoj

Enlanda kalendaro de Esperantaj kunvenoj → www.eszperanto.hu/aktualis.htm (prizorgas: Szilvási László)

Internacia kalendaro de Esperanto-renkontiĝoj → www.eventoj.hu (prizorgas: Mészáros István)

Helpo de abonoj al Esperanto-gazetoj, kotizperado → www.eszperanto.hu/aktualis.htm#gazetoj

Pasporta Servo → detala hungarlingva informa retpaĝo, kampanjoj por varbado de novaj membro, vendado de la adresaro. Vidu: → www.eszperanto.hu/pasporta-servo.htm (prizorgas: Szilvási László)

Granda interreta vortaro Esperanta-hungara, kaj gramatika tradukhelpa programo. – En ĉiu tago 60-90 (!) individuaj vizitantoj. Daŭran evoluigon (korektoj, kompletigoj, aldonoj) de la vortprovizo prizorgas Szilvási László, Mészáros István kaj Vizi László. Vidu: → www.eszperanto-szotar.hu

ESP-EN-HUNG - la plej granda nacia esperantista interreta diskut-listo, kun pli ol 400 membroj. Administruloj de la listo: Szilvási László kaj Deák Jahn Gábor. - Vidu: → http://groups.yahoo.com/group/esp-en-hung/

Esperanto-Libroservo, enlanda: vendado kaj perpoŝta sendado de libroj, KD-j, ktp.– En tiu ĉi jaro ni pligrandigis, ampleksigis la interretan katalogon! - Vidu: → www.eszperanto-konyvesbolt.hu

Akcepto kaj perado de eksterlandaj kaj internaciaj membrokotizoj – Por niaj membroj kaj kunlaborantoj ni peras la membrokotizon al UEA kaj al fakaj Esperanto-organizaĵoj

HUN-LIST – ni kolektas kaj daŭre aktualigas la datenbazon de retadresoj de hungaraj esperantistoj (pli ol 8 mil vivaj, validaj adresoj). Po 2-3 monatoj ni sendas al ili informan mesaĝon pri la plej gravaj Esperanto-novaĵoj, aranĝoj kaj novaj servoj. La servon prizorgas Szilvási László.

Ekspozicio de Esperantaj bildkartoj – nun jam pli ol 1400 (!) bildkartoj el 44 landoj estas videblaj en la virtuala ekspozicio ĉe www.eventoj.hu/bildkartoj/ .

Kolektado, arkivado kaj protektado de malnovaj filmoj kaj sonmaterialoj. - Daŭre ni kolektas la malnovajn (kaj novajn) Esperant-lingvajn celuloidan kaj videajn filmojn, malnovajn sonregistraĵojn. Ni prizorgas pri ilia taŭga storado, protektado kaj laŭ niaj ebloj unu post la alia ni faras kopion al modernaj portantoj (DVD aŭ KD - dankojn al Bajnógel István kaj al Videlcomp Kft!).

Heredaĵoj, postlasaĵoj – Ni akceptas la heredaĵojn kaj postlasaĵojn de forpasintaj esperantistoj, kaj zorgas pri ilia taŭga posta sorto (biblioteko, kolektantoj, koncernaj fakuloj, libroservo). Por kontakti nin bv. uzi la telefonnumeron: 282.88.85.

Instruado de la lingvo – en tradiciaj lingvokursoj

Aktualaj novaĵoj! – Ni prizorgas dulingvan interretan paĝon kun aktualaj novaĵoj de la hungaria E-movado. Vidu: → www.eszperanto.hu/aktualis.htm

RET-INFO – internacia retpoŝta Esperanto-novaĵservo! La plej garavaj, selektitaj kaj filtritaj novaĵoj de la internacia Esperanto-komunumo - distruibuata al abonantoj en retpoŝta formo. En 2006 ni havis 670 abonantojn el ĉ. 40 landoj. Vidu: → www.eventoj.hu/ret-info.htm

Esperanto-grupoj kaj kluboj en Hungario – Listo de tiuj grupoj aŭ kluboj kiuj atendas viziton de novaj esperantistoj aŭ eksterlandaj turistoj. Urbo, adreso, dato, tempo, loko, kontaktpersono, telefonnumero, ktp. → Vidu: www.eszperanto.hu/csoport.htm

Kolekto de retpaĝoj de hungaraj esperantistoj – kolekta listo de interretaj paĝoj, signifanta senpagan reklamon. Nun ankoraŭ nur en la hungara lingvo. → Vidu: www.eszperanto.hu/magyar-eszperanto-weboldalak.htm

Kotizperado al UK kaj IJK – nur por niaj membroj kaj kunlaborantoj!

Scienca kaj Teknika Esperanto-Biblioteko, STEB -- Ni enkomputiligas kaj senpage redisponigas en interreto la malnovajn, hodiaŭ jam ne plu akireblajn fakajn eldonaĵojn, artikolojn kaj librojn. A virtuala scienca biblioteko estas trovebla ĉe la adreso www.eventoj.hu/steb/ .

9. Ceteraj agoj

• Post la forigo de la junulara organizo el la oficejo de HEA en strato Kenyérmező, ni certigis lokon por stori kaj deponi iliajn materialojn: dokumentoj, leteroj, arkivaj dosierujoj, teknikaj iloj kaj aparatoj. Ni certigas por ili la uzon de poŝtkesto, ni akceptas kaj prizorgas la alvenantajn por ili leterojn, telefaksojn kaj monsendaĵojn - kaj ni kunlaboras por solvi la eventualajn urĝajn taskojn.

• En la oficejo de la Eventoj/KEA ni akceptas kaj administras la persone faritajn aŭ perpoŝte alvenantajn junularajn membrokotizojn, aliĝ-deklarojn kaj transpagojn por TEJO.

• Mobilizado kaj varbado al lokaj aranĝoj! Okaze de iu urba, loka aŭ regiona kunveno ni reklamas kaj informas la lokan celgrupon per personaligita retpoŝta cirkulero (ekz. E-klubkunvenoj en Veszprém, Siófok, HURA, Z-tagoj, JER, IJS, ktp.)

• La 4-an de majo ni faris eksperimentan provon de projekciila montrado de Esperantaj video- kaj kinofilmoj por planata nova filmo-klubo. (--> Duonokulvitro)

• 12-13 de majo – Kiel fari novaĵ-artikolojn pri si mem? – kurso pri komunikado por neregistaraj organizaĵoj – organizanto: Fondaĵo por Civilaj Radioj, partoprenis Mihá Erika kaj Kollár Leila

• La 21-a de majo – Partopreno en la instruista konferenco en ITK (Landa Fremdlingva Centro).

• Esperanto en la Biblio! – en junio per retpaĝa reklamo kaj per 5200-persona retmesaĝo ni helpis la diskonigon de la nova libro de István Nemere: "Biblio de Babilono", kiu enhavas ankaŭ Esperant-rilatajn teksterojn... do efikan reklamon.

• Financa subteno por skolta tendaro! – Pere de la Fondaĵo Esperanto kaj HEJ ni subtenis per 40.000 forintoj kaj per senpagaj instru-materialoj la unuan nun-epokan esperantistan skoltan tendaron inter 16-23 de julio en urbo Túristvándi. (organizanto: Záhonyi Lajos).

• E@I - DVD – por la preparata DVD de E@I "Elektronika Esperantio" ni kontribuas per hungara la traduko de la menuo-sistemo kaj de la subtekstoj de la tieaj du mallongaj reklam-filmoj (Mészáros István, Szilvási László)

• La 13-an de novembro aperas fiaĉa, neprijuĝebla HeKo-komunikaĵo pri ni. Por la artikolo donis sian nomon per subskribo: Lászay Anna.

• Subteno al EDE-HU – La 29-an de septembro ni senpage disponigis nian urbocentran kurso-salonon por la debuto de EDE en Hungario: titolo de la prelego de Matykó Jenő: "Kial estas aktuale ekesto de nova, internacia politika partio?"

• Szilvási en Kiu-estas-kiu! – Ĉe la eldonejo DFT-Hungária aperis dika neesperantista libro "Kiu estas kiu en la instruado kaj edukado en Hungario", kaj en ĝi oni prezentas la agadon de Szilvási László.

• La 7-an de oktobro du niaj estraranoj, Mészáros István kaj Szilvási László partoprenis en la jarkunveno de Amika Societo Kalocsay Kálmán. Kiel scienca kunaboranto, Mészáros István daŭre kunlaboras ankaŭ en la agado de budapeŝta medicina E-fakgrupo.

• Kampanjo - Pasporta Servo! – En oktobro ni faris tutlandan kampanjon por varbi hungarajn gastigantojn en la sekvajara eldono de Pasporta Servo (5500 retmesaĝo, + ĉ. 300 papera letero).

• 23-a de oktobro – Grupa partopreno en la kampada/rajdanta renkontiĝo de la E-grupo de Siófok en vilaĝo Sérsekszőlős

• 4-a de novembro – Partopreno en netradicia renkontiĝo de E-Societo de Veszprém: konsultado por kursfinintoj pri lingvo-ekzameno, kaj rakontoj pri E-travivaĵoj en loka restoracio, poste konsultado pri laboraj aferoj en la oficejo de la societo.

• Ni reklamis la 1-an polan jarŝanĝan aranĝon Ago-Semajnon, organizis alveturon de hungara grupo, kaj zorgis pri la transpago de iliaj antaŭpagoj.

• En prizorgo de nia estrarano Mészáros István ĉe la retejo www.egalite.fw.hu aperis la traduko de la unuaj du ĉapitroj de la "Traktato pri estigo de Eŭropa Konstitucio" al Esperanto kaj al ĉiuj 23 lingvoj de Eŭropa Unio.

10. Niaj interretaj publikaĵoj en 2006

Scienca kaj Teknika Esperanto-Bibliteko, STEB (--> www.eventoj.hu) – funkciigita de ni – estas registrita ankaŭ de Ŝtata Centra Biblioteko Széchenyi. En la jaro 2006 ni aldonis al la kolekto la jenajn librojn, artikolojn kaj eldonaĵojn.

	Gentekniko: Plibonigo de plantoj - verko de Sung Ho Cho (sekcio botaniko)
	Konduto de bestoj - kompleksa, 30-paĝa ilustrita studo de Jevgenij Sxuvajev (sekcio zoologio)
	Evoluo de telefonio - ampleksa, ilustrita, teknika libro (sekcio inĝenierado - telekomuniko)
	Modernaj dentaj implantoj - Prelego de d-ro Robert Resende dum la IKU en la 87-a UK en Fortaleza en 2002.(sekcio medicino)
	Jan Werner: Matematika vortaro Esperanta-ĉeha-germana, 1990. (sekcio vortaroj)
	Cxiutaga fotado, fototekniko (sekcio inĝenierado, ceteraj)
	Geologio kaj Origino de la Niagara Klifo (sekcio geologio)
	Pri Venuso (sekcio astronomio)
	XML-teknikaro en leksikografio kaj terminologio (sekcio inĝenierado, komputado)
	Apliko de XML al fakaj laboroj pri Esperanto (sekcio inĝenierado, komputado)
	Darwin: La origino de specioj - la fama ampleksa verko de Charles Darwin en bona Esperanta traduko de "Klivo". (sekcio biologio)
	Giuseppe Valente: Fakvortaro pri fotografio (sekcio vortaroj)
	Terminario pri kudrado kaj trikado (sekcio vortaroj)
	La pasiva antitumora defenda sistemo - ĉu medikamentoj kontraŭ kancero? Priskribo de funkcia teorio. (sekcio inventaĵoj)
	Internacia juro kaj la "Esperanta Civito" (sekcio juro)
	Marksisma koncepto pri la ŝtato - verko de Ivo Lapenna (sekcio juro)
	Laborprotekto laŭ juro de kelkaj statoj en 1975 - de Jean Duthilleul (sekcio juro)
	Transformatoro - teorio, funkciado, konstruado kaj kalkulado de parametroj (sekcio inĝenierado, elektro)
	Manlibro por vinŝatantoj - ampleksa kompilaĵo pri teknologio kaj produktado, vingustumado, ktp. (sekcio agrikulturo)
	Terminologia vortareto pri vino kaj vinaj aferoj (sekcio terminaroj)
	Cxu ni estas solaj? - Prelego de Amri Wandel (sekcio astronomio)
	De la pra-eksplodo ĝis la homo (sekcio astronomio)
	La protektata naturparko Divoká Šárka (sekcio plurfakaj libroj)
	Internacia Kongresa Universitato, UK-1998 (sekcio plurfakaj libroj)
	Internacia Kongresa Universitato, UK-2002 (sekcio plurfakaj libroj)
	Internacia Kongresa Universitato, UK-2005 (sekcio plurfakaj libroj)
	La rajto havi domon (sekcio juro)
	Franken-plantoj - per genetika inĝenierado (sekcio agrikulturo)
	Cxu la geomagnetaj tempestoj influas la sekson de infanoj? (sekcio pri ceteraj materialoj)
	Apliko de fiziko en la arkeologio (sekcio fiziko)
	8 artikoloj en la sekcio "Energio" en konferenco SAEST-82 (sekcio ceteraj materialoj)
	9 artikoloj en la sekcio "Aviado" en konferenco SAEST-82 (sekcio inĝenierado, ceteraj, aviado)
	4 artikoloj en la sekcio "Terminologio" en konferenco SAEST-82 (sekcio terminologio)
	Maŝinelementoj: la lagroj - ĉapitro el lernolibro de faka mezlernejo (sekcio pri diversaj branĉoj de industrio)
	Kurento-fontoj: teorio kaj funkciado (sekcio inĝenierado, elektro)
	Flosaĵoj - studo kaj prezento de la antaŭ-okulaj flosaĵoj, verkita de "Klivo" (sekcio medicino)
	La Lakta Vojo (sekcio astronomio)
	Striko: ĉu rajto aŭ krimo? (sekcio juro)
	Ekonomio, financoj, mono - Ekofomo de Europa Komisiono (sekcio vortaroj)
	Kemio: Rusa Esperanta kemia vortaro - de B. N. Svarc (sekcio vortaroj)
	Elektrotekniko - klariga terminaro (sekcio vortaroj)
	Maristoj, ŝipoj - Traven, 1925: Malgranda marista terminaro (sekcio vortaroj)
	Maro, ŝipoj - Jurij Finkel, 2006 (sekcio vortaroj)
	"Marista terminaro, provo" - M. Rollet de L' Isle, 1908 (sekcio vortaroj)
	Wüster: Konturoj de lingvonormigo en tekniko (sekcio naturscienco, terminologio)
	Meteologia terminaro - de Maurice Lewin, UEA, 1961 (sekcio vortaroj)
	Supernovaoj: gastosteloj - la plej grandaj eksplodoj en la universo (sekcio astronomio)
	La formado de frupolitikaj rilatoj en la proto-baktria civilizacio de la bronza epoko (sekcio arkeologio)
	Kulturo kaj socio de Norda Baktrio (sekcio arkeologio)
	Internacia Kongresa Universitato, IKU en 1996 (sekcio plurfakaj libroj)
	Konferenca libro: Aplikado de E-o en Sciencio kaj Tekniko, AEST-1978 (sekcio: plurfakaj temoj)
	Konferenca libro: Aplikado de E-o en Sciencio kaj Tekniko, AEST-1984, nutraĵproduktado (sekcio: plurfakaj temoj)
	Konferenca libro: Aplikado de E-o en Sciencio kaj Tekniko, AEST-1989, fervojoj (sekcio: plurfakaj temoj)
	Indrikoterio - mamulo, vivinta antaŭ proksimume 30 milionoj da jaroj (sekcio zoologio)
	Geologia vortaro - ĉeha-Esperanta (sekcio vortaroj)
	Artikoletoj de Leo De Cooman pri 1. energio-laboro-laciĝo, 2. funkciado de televidilo, 3. varmoretroreflekto. (sekcio ceteraj materialoj)
	Fortakurenta terminaro - granda, kompleksa verko de ĉ. 5000 esprimoj (sekcio vortaroj)
	Fakvortaro pri ŝako, 7 lingvoj (sekcio vortaroj)
	Tensio, kurento, povumo - Kiom konsumas komputiloj? (sekcio inĝenierado, elektroniko?)

Ni estas fieraj pri nia agado kaj niaj sukcesoj!
 

Szilvási László
Esperanto-Asocio ĉe Eventoj (KEA), prezidanto

Reen al la antaŭa paĝo!